അക്വേറിയത്തിന്റെ അടിത്തട്ട് ജലോപരിതലത്തിൽ പ്രതിപതിക്കുന്നതിന് കാരണമായ പ്രകാശ പ്രതിഭാസം

SCERT ഫിസിക്‌സ് പാഠപുസ്തകത്തിലെ പ്രകാശവുമായി ബന്ധപ്പെട്ട പഠനക്കുറിപ്പുകളാണ് ചുവടെ നൽകിയിരിക്കുന്നത്.

·        വായുവിൽ പ്രകാശത്തിന്റെ വേഗത-

 3x10⁸ m/s

·        വജ്രത്തിൽ പ്രകാശത്തിന്റെ വേഗത-

 1.25x10⁸ m/s

·        പ്രകാശവേഗത്തെ സ്വാധീനിക്കാനുള്ള ഒരു മാധ്യമത്തിന്റെ കഴിവാണ്-

പ്രകാശിക സാന്ദ്രത  (Optical Density)

·        പ്രകാശിക സാന്ദ്രത കൂടുമ്പോൾ അതിലൂടെയുള്ള പ്രകാശവേഗം ………………… (കൂടുന്നു/കുറയുന്നു)-

കുറയുന്നു

·        ജലത്തിന്റെ അപവർത്തനാങ്കം –

 1.33

·        പതനകോണിന്റേയും അപവർത്തനകോണിന്റേയും സൈൻ വിലകൾ തമ്മിലുള്ള അനുപാത വില ഒരു സ്ഥിര സംഖ്യയായിരിക്കും - ഏത് നിയമവുമായി ബന്ധപ്പെട്ടിരിക്കുന്നു-

സ്‌നെൽ നിയമം

·        ശൂന്യതയെ അപേക്ഷിച്ച് ഒരു മാധ്യമത്തിന്റെ അപവർത്തനാങ്കത്തെ ---------- എന്നു പറയുന്നു-

കേവല അപവർത്തനാങ്കം (Absolute Refractive Index)

·        ജലത്തിലെ ക്രിട്ടിക്കൽ കോണളവ്-

48.6⁰

·        അക്വേറിയത്തിന്റെ അടിത്തട്ട് ജലോപരിതലത്തിൽ പ്രതിപതിക്കുന്നതിന് കാരണമായ പ്രകാശ പ്രതിഭാസം-

പൂർണാന്തര പ്രതിപതനം

·        ഒരു ലെൻസിന്റെ രണ്ടു വക്രതാകേന്ദ്രങ്ങളേയും ബന്ധിപ്പിച്ചുകൊണ്ട്‌ പ്രകാശിക കേന്ദ്രത്തിൽ കൂടി കടന്നുപോകുന്ന സാങ്കൽപ്പിക രേഖയാണ്-

മുഖ്യ അക്ഷം

·        വസ്തുവിന്റെ ഉയരത്തെ അപേക്ഷിച്ച് പ്രതിബിംബത്തിന്റെ ഉയരം എത്ര മടങ്ങാണ് എന്ന് സൂചിപ്പിക്കുന്നതാണ്-

ആവർധനം

·        ആവർധനം നെഗറ്റീവ് ആണെങ്കിൽ പ്രതിബിംബത്തിന്റെ പ്രത്യേകത-

യതാർത്ഥവും തലകീഴായതും