പ്രകാശവും പ്രതിഭാസങ്ങളും

കേരള പി.എസ്.സി. പരീക്ഷകളിൽ ജനറൽ സയൻസ് വിഭാഗത്തിലെ ഒരു പ്രധാനപ്പെട്ട ഭാഗം ആണ് പ്രകാശവും പ്രതിഭാസങ്ങളും. ഇന്നത്തെ പഠനക്കുറിപ്പുകൾ ഈ വിഭാഗത്തിൽ നിന്ന് വരുന്ന ചോദ്യങ്ങൾക്ക് ഉത്തരം എഴുതാൻ തീർച്ചയായും സഹായകമാകും.

1.        കടലിന്റെ നീലനിറത്തിന്റെ കാരണം ആദ്യമായി വിശദീകരിച്ച ശാസ്ര്തജ്ഞൻ ആരാണ്?
a.      ജെ.സി. ബോസ്         
b.      ഐൻസ്റ്റീൻ    
c.      റൊണാൾഡ് റോസ് 
d.      സി.വി. രാമൻ

(അറ്റൻഡർ 2015)

ഉത്തരം : സി.വി. രാമൻ
 
2.      സൂര്യരശ്മികൾ ഭൂമിയിലേക്ക് എത്താൻ എടുക്കുന്ന സമയം എത്ര?
a.      7 മിനിറ്റ് 5 സെക്കന്റ്  
b.      8 മിനിറ്റ് 20 സെക്കന്റ്           
c.      10 മിനിറ്റ് 2 സെക്കന്റ്
d.      9 മിനിറ്റ് 3 സെക്കന്റ്

(ലിഫ്റ്റ് ഓപ്പറേറ്റർ 2015)

ഉത്തരം : 8 മിനിറ്റ് 20 സെക്കന്റ്
 
3.      പ്രാഥമിക വർണ്ണമല്ലാത്തതേത്?
a.      ചുവപ്പ് 
b.      നീല    
c.      മഞ്ഞ 
d.      പച്ച

(എൽ.ജി.എസ്. 2018)

ഉത്തരം : മഞ്ഞ
 
4.      ചുവന്ന പ്രകാശവും നീല പ്രകാശവും ചേർന്നുണ്ടാകുന്ന ദ്വിതീയ വർണ്ണം?
a.      മജന്ത 
b.      സിയാൻ         
c.      മഞ്ഞ
d.      ഓറഞ്ച്

(സെക്യൂരിറ്റി ഗാർഡ് 2018)

ഉത്തരം : മജന്ത         
 
5.      സൂര്യപ്രകാശത്തിൽ സപ്ത വർണ്ണങ്ങളുണ്ടെന്ന് കണ്ടുപിടിച്ച ശാസ്ര്തജ്ഞൻ?
a.      ആൽബർട്ട് ഐൻസ്റ്റീൻ        
b.      സർ ഐസക് ന്യൂട്ടൺ           
c.      സർ സി.വി. രാമൻ                
d.      ഗലീലിയോ

(എൽ.ഡി.സി. 2005)

ഉത്തരം : സർ ഐസക് ന്യൂട്ടൺ
 
6.      പ്രകാശത്തിന് പ്രകീർണ്ണനം സംഭവിക്കുമ്പോൾ ഏറ്റവും അധികം വ്യതിചലിക്കുന്ന നിറം?
a.      നീല    
b.      ഇൻഡിഗോ    
c.      പച്ച     
d.      വയലറ്റ്           

(യു.പി. സ്‌കൂൾ അസിസ്റ്റന്റ്)

ഉത്തരം : വയലറ്റ്
 

പ്രകാശത്തെ കുറിച്ചുള്ള പഠനമാണ് – ഒപ്റ്റിക്‌സ്

പ്രകാശത്തിന് സഞ്ചരിക്കാൻ മാധ്യമം ആവശ്യമല്ല.

പ്രകാശത്തിന്റെ വേഗം – സെക്കന്റിൽ 3 ലക്ഷം

പ്രകാശത്തിന് ഏറ്റവും കൂടുതൽ വേഗം ശൂന്യതയിലാണ് എന്ന് കണ്ടെത്തിയത്- ലിയോൺ ഫുക്കാൾട്ട്

പ്രകാശത്തേക്കാൾ വേഗത്തിൽ സഞ്ചരിക്കുന്ന ടാക്കിയോൺസ് കണ്ടെത്തിയത്- ഇ.സി.ജി. സുദർശൻ

പ്രകാശത്തിന്റെ കണികാ സിദ്ധാന്തം ആവിഷ്‌കരിച്ചത്- ഐസക് ന്യൂട്ടൺ

പ്രകാശത്തിന്റെ തരംഗ സിദ്ധാന്തം ആവിഷ്‌കരിച്ചത് - ക്രിസ്ത്യൻ ഹൈജൻസ്

ദൃശ്യപ്രകാശത്തിന്റെ ഘടകവർണ്ണങ്ങളിൽ തരംഗദൈർഘ്യം കൂടിയതും ആവൃത്തി കുറഞ്ഞതുമായ നിറം – ചുവപ്പ്

ടെലിവിഷനിലെ പ്രാഥമിക വർണ്ണങ്ങൾ - പച്ച, നീല, ചുവപ്പ്

പെയിന്റിലെ പ്രാഥമിക വർണ്ണങ്ങൾ -ചുവപ്പ്, മഞ്ഞ, നീല

അച്ചടിയിലെ പ്രാഥമിക വർണ്ണങ്ങൾ- സിയാൻ, മഞ്ഞ, മജന്ത, കറുപ്പ്

മഴവില്ലിലെ ഏറ്റവും പുറത്തുകാണുന്ന നിറം – ചുവപ്പ്

മഴവില്ലിലെ നടുക്ക് കാണുന്ന നിറം – പച്ച

മഴവില്ല് ഉണ്ടാകുന്നതിന് കാരണമായ പ്രതിഭാസങ്ങൾ- Reflection, Refraction & Dispersion

ഒരു ദ്വിതീയ വർണം ഉണ്ടാകുന്നത് എത്ര പ്രാഥമിക വർണങ്ങൾ ചേരുമ്പോഴാണ് – 2

പച്ചയും ചുവപ്പും ചേർന്നാൽ ഉണ്ടാകുന്ന ദ്വിതീയ വർണം - മഞ്ഞ

പച്ചയും നീലയും ചേർന്നാൽ ഉണ്ടാകുന്ന ദ്വിതീയ വർണം - സിയാൻ

നീലയും ചുവപ്പും ചേർന്നാൽ ഉണ്ടാകുന്ന ദ്വിതീയ വർണം - മജന്ത

പ്രകാശ രശ്മികൾ സോഡിയം, പൊട്ടാസ്യം തുടങ്ങിയ ലോഹങ്ങളുടെ ഉപരിതലത്തിൽ പതിക്കുമ്പോൾ അതിൽ നിന്ന് ഇലക്‌ട്രോൺ ഉത്‌സർജിക്കുന്ന പ്രതിഭാസമാണ് – ഫോട്ടോ ഇലക്ട്രിക് പ്രഭാവം

ഫോട്ടോ ഇലക്ട്രിക് പ്രഭാവം കണ്ടെത്തിയത് – ഹെന്റിച്ച് ഹെർട്‌സ്

1921 ലെ ഭൗതിക ശാസ്ര്ത നൊബേലിന് അർഹനായത് – ആൽബർട്ട് ഐൻസ്റ്റീൻ

(ഫോട്ടോ ഇലക്ട്രിക് പ്രഭാവത്തിന് വിശദീകരണം നൽകിയതിന്)

സമന്വിത വർണങ്ങൾ അതിന്റെ ഘടകവർണങ്ങളായി വേർതിരിയുന്ന പ്രതിഭാസം – പ്രകീർണനം

ധവള പ്രകാശത്തെ ഘടക വർണങ്ങളായി വേർതിരിക്കാൻ കഴിയുമെന്ന് കണ്ടെത്തിയത് - ഐസക് ന്യൂട്ടൺ

അന്തരീക്ഷ വായുവിലെ പൊടിപടലങ്ങളിൽ തട്ടി പ്രകാശത്തിനുണ്ടാകുന്ന ഭാഗികമായ പ്രതിഫലനമാണ് – വിസരണം

ആകാശം നീലനിറത്തിൽ കാണുന്നതിന് കാരണം – വിസരണം

ഒരു വസ്തു ജനിപ്പിക്കുന്ന ദൃശ്യാനുഭവം കണ്ണിൽ തന്നെ തങ്ങിനിൽകുന്ന പ്രതിഭാസമാണ് -സമഞ്ജനക്ഷമത

സമഞ്ജനക്ഷമതയിൽ ദൃശ്യാനുഭൂതി കണ്ണിൽ തങ്ങി നിൽക്കുന്നത് എത്ര സമയത്തേക്കാണ് –

1/16 സെക്കന്റ്

വജ്രത്തിന്റെ തിളക്കത്തിനുകാരണമായ പ്രകാശപ്രതിഭാസം –പൂർണ ആന്തരിക പ്രതിഫലനം

പ്രകാശം ഒരു മാധ്യമത്തിൽ നിന്ന് സാന്ദ്രതാ വ്യത്യാസമുള്ള മാധ്യമത്തിലേക്ക് കടക്കുമ്പോൾ അതിന്റെ ദിശയ്ക്കുണ്ടാകുന്ന വ്യതിയാനം – അപവർത്തനം

മരുഭൂമികളിൽ അനുഭവപ്പെടുന്ന മരീചിക പ്രകാശത്തിന്റെ ഏത് പ്രതിഭാസം മൂലമാണ്-അപവർത്തനം

സൂക്ഷ്മങ്ങളായ അതാര്യ വസ്തുക്കളെച്ചുറ്റി പ്രകാശം വളയുകയോ വ്യാപിക്കുകയോ ചെയ്യുന്ന പ്രതിഭാസം – ഡിഫ്രാക്ഷൻ

നിഴലുകളുടെ അരിക് ക്രമരഹിതമായി കാണുന്നതിന് കാരണമായ പ്രകാശ പ്രതിഭാസം – ഡിഫ്രാക്ഷൻ

സൂര്യനുചുറ്റുമുള്ള വലയം, സി.ഡി.യിലെ വർണരാജി എന്നിവയ്ക്ക് കാരണമായ പ്രകാശ പ്രതിഭാസം - ഡിഫ്രാക്ഷൻ